Гісторыя беларускіх музычных уплываў

Мінск : Медысонт, 2009. — 140 с.Дасьледваньне аўтарства Зьмітра Сасноўскага – першая грунтоўная спроба адсачыць уплыў беларускага музычнага мастацтва на на сусьветную музычную культуру. Дзякуючы плённай працы Зьміцер Сасноўскі – сам прафесійны музыка – вяртае ў нашу сьвядомасьць багацьце і значнасьць музычнага даробку беларусаў. Само выданьне падзеленае на некалькі разьдзелаў, што дазваляе шматгранна асьвятліць тэму. Якія беларускія народныя песьні выкарыстоўвалі ў сваіх творах Людвіґ ван Бэтховэн ці Фрэдэрык Шапэн, хто паўплываў на творчасьць вядомых расейскіх і польскіх кампазытараў, каго беларуская зямля падаравала сусьветнай музычнай культуры – пра ўсё гэта можна даведацца з кнігі З гісторыі беларускіх музычных уплываў.